ლივერპულმა ალისონ ბეკერს კონტრაქტი 2027 წლის ივნისამდე გაუხანგრძლივა. აღნიშნული ცნობა კლუბის ოფიციალურმა საიტმა გაავრცელა.
მერსისაიდელებმა ბრაზილიელი მეკარე 2018 წლის ზაფხულში რომადან 62 მილიონი ევროს სანაცვლოდ შეიძინეს. იგი დღეს მსოფლიოს ერთ-ერთი გამორჩეული კიპერია. წინა სეზონში ბრაზილიელმა 42 მატჩი ჩაატარა, 1 გოლი გაიტანა და 10-ჯერ კარი მშრალად შეინახა.
2020-21 წლების სეზონში ლივერპულმა პრემიერლიგაში მესამე ადგილი დაიკავა, კლოპის გუნდს მხოლოდ მანჩესტერულმა კლუბებმა აჯობეს. შეგახსენებთ, რომ პრემიერლიგის ახალი გათამაშება 13 აგვისტოს დაიწყება. კლოპის შეგირდები სეზონს ნორვიჩთან მატჩით გახსნიან.