დანი ალვეშის ადვოკატმა ფეხბურთელის გირაოთი გათავისუფლება მოითხოვა. Diario Sport-ის ინფორმაციით, ალვეშის წარმომადგენლის მოთხოვნა არ დააკმაყოფილეს და 39 წლის ფეხბურთელი საპატიმროში რჩება.
შეგახსენებთ, რომ დანი ალვეში გაუპატიურების ბრალდებით დააკავეს. მას ერთ-ერთი ღამის კლუბში სექსუალური შევიწროება ედება ბრალად. იმ შემთხვევაში თუ 39 წლის ფეხბურთელს ბრალდება დაუმტკიცდება, მას 4-12 წლამდე თავისუფლების აღკვეთა ემუქრება.
დანი ალვეშმა ამ საქმესთან დაკავშირებით, ესპანეთის ერთ-ერთი საუკეთესო ადვოკატი კრისტობალ მარტელი დაიქირავა. იგი თავის დროზე ლეო მესის და კარლეს პუიოლის ოჯახებს იცავდა.