ანტუან ბელერი – მალიორკას ტურნირის მთავარი სენსაცია

ესპანეთის ქალაქ მალიორკაში გრძელდება ATP-ის 250-იანთა კატეგორიის ტურნირი. გათამაშების მთავარ სენსაციად იქცა 25 წლის შვეიცარიელი ჩოგბურთელი ანტუან ბელერი. მსოფლიო რეიტინგის N303 ჩოგანმა ჯერ კვალიფიკაცია გაიარა წარმატებით, შემდეგ კი ძირითად ბადეში ზედიზედ 3 მატჩი მოიგო და ნახევარფინალშია.

ანტუან ბელერი მალიორკას ტურნირზე

1 საკვალიფიკაციო ეტაპი ბელერი – ტაბერნერი 6:3 7:6

2 საკვალიფიკაციო ეტაპი ბელერი – როზენკრანხი 4:6 7:6 7:6

1 რაუნდი ბელერი – დელბონისი 6:3 7:6

1/8 ფინალი ბელერი – კარენო-ბუსტა 6:3 6:4

1/4 ფინალი ბელერი – გრიკსპური 5:7 7:6 6:2

null

2021 წლის კორდობას ტურნირის შემდეგ, ბელერი გახდა ყველაზე დაბალ რეიტინგიანი ჩოგბურთელი, რომელმაც ATP-ის ტურნირის ნახევარფინალში შეძლო გასვლა (კორდობაში ეს ხუან მანუელ სერუნდოლომ შეძლო).

25 წლის შვეიცარიელი კარიერაში მესამედ თამაშობს ATP-ის ტურნირის ძირითად ბადეში. ანტუანმა 2016 და 2017 წლებში, გშტაადის ტურნირზე მიიღო wild card, თუმცა ორივე შემთხვევაში პირველივე რაუნდში დამარცხდა.

მალიორკას ტურნირზე ბელერმა კვალიფაკია წარმატებით გაიარა და უკვე ტოპ 100-ის 4 ჩოგბურთელს მოუგო. (ამ ტურნირამდე მას ტოპ 100-ის არცერთი წარმომადგენელი არ ყავდა დამარცხებული).

მალიორკას ტურნირის 1/2 ფინალში ბელერი რობერტო ბაუტისტა აგუტს დაუპირისპირდება.

ესპანელმა ჩოგბურთელმა 1/4 ფინალურ ეტაპზე მსოფლიო რეიტინგის ლიდერი – დანილ მედვედევი დაამარცხა.

აგუტმა მედვედევს 5 ურთიერთშეხვედრიდან 4 მოუგო.

მეორე ნახევარფინალში ფრანგი ბენჟამინ ბონზი სტეფანოს ციციპასს ეთამაშება (ბერძენი ჩოგბურთელი კარიერაში პირველად გავიდა ბალახის საფარიანი ტურნირის ნახევარფინალში).

Leave a comment

Your email address will not be published.