ა.შ.შ-ს ქალთა საკალათბურთო ნაკრებმა ოლიმპიური თამაშები ზედიზედ მეშვიდედ მოიგო

ტოკიოს ოლიმპიადაზე დასრულდა ქალთა საკალათბურთო ტურნირი, რომლის გამარჯვებულიც ა.შ.შ-ს ნაკრები გახდა.

WNBA-ს ვარსკვლავებით დაკომპლექტებულმა ამერიკის ნაკრებმა ფინალურ შეხვედრაში 90:75 დაამარცხა იაპონიის ნაკრები და ზედიზედ მეშვიდედ მოიგო ოლიმპიური თამაშები.

null

მატჩის საუკეთესო მოთამაშე ბრიტნი გრინერი გახდა, რომლის ანგარიშზეც 30 ქულა იყო. აჯა ვილსონმა 19 ქულასთან ერთად 5 ბლოკშოტიც მოაგროვა. ბრწყინვალე მატჩი გამოუვიდა ასევე ბრეანა სტიუარტს – 14 ქულა+14 მოხსნა+5 პასი+4 ჩაჭრა+3 დაფარება.

ამერიკის შეერთებული შტატების ნაკრებმა ზედიზედ 55-ე მატჩი მოიგო ოლიმპიურ თამაშებზე, ბოლოს მათ 1992 წლის ოლიმპიადაზე წააგეს, ბარსელონაში.

null

იაპონელთა რიგებში 17 ქულა ქონდა მაკი ტაკადას, 16 ქულა დააგროვა მოტოჰაში ნაკომ. 8 ქულა+6 პასი – რუი მაჩიდას.

ოლიმპიურ თამაშებზე იაპონიამ პირველი მედალი მოიგო კალათბურთში. მიუხედავად ფინალში განცდილი მარცხისა ამომავალი მზის ქვეყანა ძალიან სწრაფად პროგრესირებს სპორტის ამ სახეობაში და ტოკიოში მოპოვებული ვერცხლის მედლები იაპონელებისთვის უდიდესი მიღწევაა.

Leave a comment

Your email address will not be published.