გერმანიის ნაკრების ყოფილი ვარსკვლავის, მიხაელ ბალაკის 18 წლის ვაჟი, ემილიო, წუხელ პორტუგალიაში კუადროციკლის მართვისას დაიღუპა. ტელეარხი TVI24 გვამცნობს, რომ შემთხვევა საკურორტო ქალაქ ტროიაში მოხდა, რომელიც ლისაბონის სამხრეთით მდებარეობს. ბალაკმა სახლი იქ ჯერ კიდევ ფეხბურთელობისას იყიდა.
ტრაგიკული ინციდენტი ღამის 2 საათსა 10 წუთზე მოხდარა. ემილიოს გადარჩენას იქვე გაჩენილი მეხანძრეები ცდილობდნენ, მაგრამ ამაოდ.
44 წლის ბალაკს ემილიოს გარდა კიდევ ორი შვილი ჰყავს: 20 წლის ლუი და 16 წლის ჟორდი. მეუღლეს კი 2012 წელს დაშორდა.
