იუვენტუსის ფეხბურთელებმა დუშან ვლაჰოვიჩმა, ფედერიკო კიეზამ და მანუელ ლოკატელიმ, კარიერა, შესაძლოა, ესპანეთში გააგრძელონ, ამ ფეხბურთელებს ბარსელონა ელის.
წყაროს ცნობით, სამეული მზად არის დატოვოს იუვენტუსი, რადგან ფინანსური თაღლითობის გამო მიღებული სანქციების კვალად, კლუბი არასტაბილურ მდგომარეობაშია.
შეგახსენებთ, იუვენტუსს 15 ქულა ჩამოაკლეს. შედეგად გუნდი იტალიის ჩემპიონატში მესამე ადგილიდან მეცამეტემდე დაქვეითდა.
მოგვიანებით გაცხადდა, რომ იტალიის ფეხბურთის ფედერაციას, მოთამაშეების ხელფასებთან დაკავშირებული მაქინაციების გამო, სურს, იუვენტუსს მინიმუმ 20 ქულა ჩამოაკლდეს.
