სამ.აფრიკა-ახალი ზელანდია 31:29
ს.აფრიკა: 2ლ – დე ალენდე, მაპიმპი. 6ს – პოლარდი (4), ე.იაინკისი. ა – ე.იაინკისი
ახ.ზელანდია: 3ლ – ა.სავეა, რისი, ვებერი. 4ს,გ – ჯ.ბარეტი
ოთხი ერის გათამაშების ბოლო ტურში სამხრეთ აფრიკისა და ახალი ზელანდიის ნაკრებებს შორის, უკიდურესად დაძაბული გამოდგა. მართალია, ოლ ბლექსმა ტურნირი უკვე მოიგო, მაგრამ პრესტიჟი პირველობაზე არანაკლებ მნიშვნელოვანია. ამჯერად, ახალზელანდიელებმა გამარჯვება ხელიდან ბოლო წამებზე გაუშვეს – 29:31.
არადა, პირველი ტაიმი ოლ ბლექსმა 20:11 მოიგო. შესვენების შემდეგ ბოკე უფრო მძლავრად ამოქმედდა. გაცილებით უკეთ ურტყამდა კარში სამხრეთაფრიკელთა მგეზავი ჰანდრე პოლარდი. თუმცა, მსოფლიოს თასის მფლობელებს გამარჯვება სხვა დამრტყმელის ენტონი იაინკისის ფეხჩუბინობამ მოუტანა.
დასკვნით ხუთ წუთში მოვლენები ელვისებური სისწრაფით განვითარდა. წინ ხან ბოკე იყო, ხან ოლ ბლექსი. ბოლოს, როცა სამხრეთ აფრიკა 28:29 აგებდა, ახალზელანდიელები ზედ საკუთარი კარის წინ დაჯარიმდნენ. იაინკისმა შანსი ხელიდან არ გაუშვა და ბოკეს გამარჯვება მოუტანა. შედეგად, სამხრეთ აფრიკამ მსოფლიოს რეიტინგში პირველი ადგილი დაიბრუნა.
სატურნირო მდგომარეობა
1.ახალი ზელანდია – 25 ქულა, 2. ავსტრალია – 18, 3. სამხრეთ აფრიკა – 15, 4. არგენტინა – 0