შოტლანდიური კლუბები თავისი მატჩების გადატანას ინგლისში აპირებენ, ასევე ფიქრობენ იქაური რაგბის მესვეურებიც.
საქმე ის არის, რომ ომიკრონის ვირუსის გავრცელების შემდეგ, ქვეყნის პირველმა მინისტრმა, ნიკოლა სტერჯანმა, ტრიბუნებზე მხოლოდ 500 ადამიანის დასწრების განკარგულება გასცა.
კლუბები ჩივიან, ამის გამო კვირაში 2 მილიონამდე გირვანქის შემოსავალს ვკარგავთ და გვიჯობს მატჩები მეზობელ ინგლისში ჩავატაროთო, სადაც შეზღუდვა არ იქნებაო.
სტერჯანი შეპირდა, დამატებით 5 მილიონს გამოვუყოფ კლუბებს, 17 იანვრიდან კი საერთოდ გავაუქმებ ლიმიტსო.
კლუბების მესვეურთა პასუხი ჯერჯერობით უცნობია.