ბრწყინვალე მბაპე, რეკორდსმენი ჟირუ და 1/4 ფინალისტი საფრანგეთი

Kylian MBAPPE of France celebrates his forst goal with Ousmane DEMBELE of France during the FIFA World Cup 2022, Round of 16 match between France and Poland at Al Thumama Stadium on December 4, 2022 in Doha, Qatar. (Photo by Anthony Dibon/Icon Sport via Getty Images)

მსოფლიო ჩემპიონატს მორიგი 1/4 ფინალისტი ჰყავს. საფრანგეთის ნაკრები პოლონეთის ეროვნულ გუნდს შეხვდა და 3:1 დაამარცხა.

მამლების მსგავსად პოლონელებმაც კარგად დაიწყეს. ლევანდოვსკი და კამპანია აშკარად იმაზე კარგად გამოიყურებოდნენ, ვიდრე წინა მატჩებში, თუმცა 1/4 ფინალში გასასვლელად ეს საკმარისი არ გამოდგა.

საფრანგეთის ნაკრებმა ისე ითამაშა, როგორც ტურნირის მთავარ ფავორიტს შეშვენის. განსაკუთრებით კარგები იყვნენ ჟირუ და მბაპე. სწორედ ამ 2 ფეხბურთელის გოლებით მოიგეს ფრანგებმა თამაში.

კილიან მბაპემ კვლავ დაგვანახა, რომ მსოფლიოს ერთ-ერთი საუკეთესო ფეხბურთელია. იმის დიდი შანსიცაა, რომ ამ ტურნირის საუკეთესო მოთამაშედ დაასახელონ.

საუკეთესო ფეხბურთელი

საუკეთესო უდაოდ მბაპე იყო, რომელმაც დუბლი შეასრულა და ბრწყინვალე მატჩი ჩაატარა. იგი ბომბარდირთა დავას 4 გოლით ლიდერობს.

საინტერესო ფაქტი

ოლივიე ჟირუმ დღეს საფრანგეთის ნაკრებში 52-ე გოლი გაიტანა, რითიც ტიერი ანრის რეკორდი მოხსნა და საფრანგეთის ნაკრების ისტორიაში საუკეთესო ბომბარდირი გახდა.

საფრანგეთი 3:1 პოლონეთი

გოლები: ჟირუ (44), მბაპე (74; 90+1), ლევანდოვსკი (90+9).

Leave a comment

Your email address will not be published. Required fields are marked *