ფრანგულ ლილთან ჩემპიონთა ლიგის მატჩის წინ, ჩელსის (2:0) ტრავმირებულმა ფეხბურთელებმა რის ჯეიმსმა, კალუმ ჰადსონ-ოდოიმ და ბენ ჩილუელმა, სტემფორდ ბრიჯის მინდორზე გულშემატკივრებს ახლახან აბუ-დაბიში მოგებული საკლუბო მსოფლიო ჩემპიონთა თასი წარუდგინეს.
ზეიმისას უცებ მინდვრის სარწყავი სისტემა ჩაირთო და ფეხბურთელებმა თასიანად გვარიანი ცივი შხაპი მიიღეს. ამ ეპიზოდმა თავად მოთამაშეები და ტრიბუნებზე მყოფი მაყურებლებიც ერთობ გაახალისა.
