ჯენარო გატუზო ვალენსიას მთავარი მწვრთნელი აღარ არის. იტალიელის გუნდიდან წასვლას სოციალურ ქსელში პოსტი გიორგი მამარდაშვილმა მიუძღვნა. „მადლობა ყველაფრისთვის, წარმატებები მწვრთნელო! გისურვებ ყველაფერს საუკეთესოს.“ – დაწერა მამარდაშვილმა ინსტაგრამის სთორიში.
იტალიელმა მწვრთნელმა ღამურები შარშან ზაფხულში ჩაიბარა, თუმცა როგორც ხედავთ მისმა დანიშვნამ არ გაამართლა. გატუზომ ვალენსიას მთავარი მწვრთნელის პოსტზე ხორხე ბორდალასი შეცვალა.
ვალენსია არასასიამოვნო სიტუაციაშია. გუნდი, რომლის ძირითადი მეკარე გიორგი მამარდაშვილია, ლა ლიგაში 20 ქულით მე-14 ადგილზეა, უახლოეს მატჩს კი მადრიდის რეალთან გამართავს.