საფრანგეთის სარაგბო ჩემპიონატის ელიტური, მეორე დივიზიონის მე-20 ტურის მატჩში გიორგი ჯავახიას, გიორგი ქართველიშვილის, გიორგი გოგოლაძისა და ლუკა ნიორაძის ორიაკმა შინ დაძაბულ ბრძოლაში დაამარცხა სოსო ბეკოშვილისა და ლუკა პეტრიაშვილის კარკასონი – 30:26.
ჯავახიამ, რომელიც 64-ე წუთზე შეცვალეს, 30-ე წუთზე ლელო გაიტანა და შედეგად ტურის სიმბოლურ ნაკრებში დაასახელეს. ორიაკის ძირითად შემადგენლობაში ითამაშეს ქართველიშვილმა და გოგოლაძემაც. ნიორაძე თამაშში 64-ე წუთიდან ჩაერთო. იმავდროულად მოედანზე გამოჩნდა პეტრიაშვილი, ბეკოშვილი კი, 47-ე წუთზე შეცვალეს.
ორიაკს ახლა 43 ქულა აქვს და მე-11 ადგილზეა, კარკასონი კი, 34 ქულით მე-14 პოზიციას იკავებს.
