ანტუან გრიზმანმა კარიერა შესაძლოა ნისლიან ალბიონზე გააგრძელოს. Footmercato-ს ცნობით, ბარსელონას ფორვარდს მანჩესტერ სიტი იწვევს. გრიზმანს ამ საკითხზე პირადად პეპ გვარდიოლა ესაუბრა. აღსანიშნავია, რომ მე-7 ნომრის გაყიდვაზე ბარსელონაშიც ფიქრობენ, რადგან გუნდში ფინანსური პრობლემებია
გრიზმანი ბარსელონაში 2 წლის წინ მადრიდის ატლეტიკოდან გადავიდა. ანტუანმა ბლაუგრანაში პოტენციალი ბოლომდე ვერ გამოავლინა, მისგან მეტს ელიან, თუმცა ჯერ-ჯერობით ამაოდ. ბოლო სეზონში მან 51 მატჩი ჩაატარა და 20 გოლი გაიტანა. ამ ევროპის ჩემპიონატზე გრიზმანის ანგარიშზე 4 მატჩი და 1 გოლია.
რაც შეეხება მანჩესტერ სიტის, ქალაქელებს ჰარი კეინის შეძენაც სურთ. ზოგადად სიტის კარგი სეზონი გამოუვიდა, გარდა იმისა, რომ გუნდმა პრემიერლიგა მოიგო, ჩემპიონთა ლიგის ფინალშიც ითამაშა, სადაც ჩელსისთან 0:1 წააგო.