დავით ნინიაშვილი მატჩის საუკეთესო მორაგბედ დაასახელეს

საქართველოს ნაკრებისა და ფრანგული ლიონის ფულბეკი დავით ნინიაშვილი ჩელენჯ კაპის გათამაშების პირველი ტურის მატჩის საუკეთესო მოთამაშედ დასახელდა.

დავით ნინიაშვილისა და ბექა საღინაძის ლიონმა გიორგი კვესელაძის ინგლისურ გლოსტერს უმასპინძლა და 19:13 დაამარცხა. ნინიაშვილმა სრულად ითამაშა და 9 შეტევით ჯამში 55 მეტრი მოიგო, რაც მასპინძელთა რიგებში საუკეთესო მაჩვენებელია. მის ანგარიშზეა 9 პასი, 6 ოფლოუდი და 3 ბოჭვა.

„ლიონის“ რიგებში სრულად ითამაშა მესამეხაზელმა ბექა საღინაძემც და 12 შეტევით 35 მეტრი მოიგო, გააკეთა 3 პასი და 8 ბოჭვა.

გლოსტერის შემადგენლობაში შეუცვლელად ითამაშა შუამარბმა გიორგი კვესელაძემ, ბურთი 5-ჯერ წაიღო და 28 მეტრი მოიგო, დაცვაში კი მეტოქე 15-ჯერ შებოჭა.

Leave a comment

Your email address will not be published.