კვიპროსის ჩემპიონატის მე-12 ტურში აპოელმა ნიქოზიის ომონიას უმასპინძლა და 4:0 დაამარცხა. აღსანიშნავია, რომ 2 გოლი ქართველების ანგარიშზეა. პირველი ტაიმისთვის დამატებულ წუთზე ლაშა დვალმა გაიტანა, 60-ზე კი გიორგი ქვილითაიამ.
ლაშა დვალი ძირითად შემადგენლობაში იყო და მატჩის ბოლომდე გაისარჯა, ასევე ძირითადში იყო ქვილითაია, რომელიც 79-ე წუთზე შეცვალეს, აპოელის მესამე ქართველი ბუბა დაუშვილი კი სათადარიგოთა სკამზე გახლდათ.
აპოელი კვიპროსის ჩემპიონატში 27 ქულით მეორე ადგილზეა და ლიდერ პაფოსს 2 ქულით ჩამორჩება.