დიდი ამბებია იტალიაში: ფინანსური მაქინაციების გამო, ტურინის იუვენტუსს 15 ქულა ჩამოაკლეს და ახლა გუნდი მე-10 ადგილზეა სერია ა-ში…
ეს Sky Sports-მა და იტალიაშიც ყველა ცნობილმა წყარომაც დაწერა. სხვა კლუბებზეც იყო ბრალდება, მაგრამ იტალიის ფეხბურთის ფედერაციამ (FIGC) ისინი არ დასაჯა. რა თქმა უნდა, ფედერაციამ სასამართლო ორგანოების ჩატარებული ძიების საფუძველზე იმოქმედა.
იუვეს ხელმძღვანელობას ბრალად ედებოდა ფეხბურთელთა სატრანსფერო თანხის გაბერვა, ასევე კლუბის პერსონალის ხარჯების შესახებ მონაცემების გაყალბება, ფეხბურთელთა რეალური ხელფასების დამალვაც…
იუვენტუსის პრეზიდენტმა ანდრეა ანიელიმ ორი თვის წინ დატოვა თანამდებობა. მას ფეხბურთში 2-წლიანი დისკვალიფიკაცია მისცეს… ცნობილი ჩეხი პაველ ნედვედი (კლუბის ყოფილი ვიცე-პრეზიდენტი) 8 თვით ჩამოაშორეს ფეხბურთს, ხოლო ყოფილი სპორტული დირექტორი ფაბიო პარატიჩი 2,5 წლით…
პარატიჩი ბოლოს ტოტენჰემში მუშაობდა. ეს სწორედ ის პიროვნებაა, რომელსაც ხვიჩა კვარაცხელიას შეძნა სურდა ჯერ იუვეში, შემდეგ კი ტოტენჰემშიც.
მოკლედ, იუვენტუსში დიდი ამბებია.