სერბი დუშან ვლახოვიჩი ქარიზმატული ადამიანი გამოდგა. ჯერ იყო და, ზამთრის სატრანსფერო ფანჯრის ყველაზე ძვირი მოთამაშე გახდა, ფიორენტინადან იუვენტუსში 80 მილიონ ევროდ გადავიდა. შემდეგ ტურინში იმ სახლში დასახლდა, სადაც მანამდე კრიშტიანუ რონალდუს ოჯახი ცხოვრობდა. ახლა კი გაირკვა, რომ მისი შეყვარებული ყოფილი მის იტალიაა.
კაროლინა სტრამარეს „იტალიელ მეგან ფოქსს“ უწოდებენ. ძალიან ჰგავს ჰოლივუდის ვარსკვლავს. მის იტალია კაროლინა 2019 წელს გამხდარა და გამარჯვება დედისთვის მიუძღვნია, რომელიც კიბოთი ავადობდა და შარშან გარდაცვლილა.
იტალიური მედია წერს, დუშანი „ყურებამდეა“ კაროლინაზე შეყვარებულიო.
