შვეიცარიის ეროვნულმა ნაკრებმა, დღეს, 24 ნიოემბერს, მნიშვნელოვანი მატჩი მოუგო კამერუნის ეროვნულ გუნდს, სადაც ჩვენი ხვიჩა კვარაცხელიას ნეაპოლელი თანაგუნდელი, ზამბო ანგისა თამაშობს.
ანგისამ სრული 90 წუთი დაჰყო მინდორზე და ცუდად არ უთამაშია. ეგ არის, თავად მატჩის სიუჟეტი ერთობ ნაცრისფერი გამოდგა. მინიმალური მომენტებით. ყველაფერი მონაკოელი ბრეელ ემბოლოს ერთადერთმა გატანილმა ბურთმა გადაწყვიტა.
ემბოლომ გოლი არ აღნიშნა. ალბათ, მოგეხსენებათ, ის წარმოშობით კამერუნელია.
საუკეთესო მოთამაშე
იან სომერი. შვეიცარიის ნაკრებისა და მიონხენგლადბახის ბორუსიის 33 წლის მეკარე. იანმა რამდენჯერმე ურთულესი შეტევა მოიგერია და თანაგუნდელებს მეტი თავდაჯერება შესძინა.
კამერუნი – შვეიცარია 0:1
გოლი: ემბოლო (48)
