დანიის ნაკრების ყოფილი ლიდერი კრისტიან ერიკსენი, კოპენჰაგენის ქუჩებში დაინახეს. 29 წლის ფეხბურთელი პარტნიორ საბრინა კვისტ იენსენთან და პატარა ქალიშვილათან ერთად სეირნობდა.
ერიკსენმა ევრო 2020-ის პირველი ტურის მატჩში ფინელების წინააღმდეგ, მოედანზე გონება დაკარგა.
ექიმებმა შემდეგ თქვეს, რომ რამდენიმე წამი გული გაჩერებული ჰქონდა.
საბედნიეროდ, ყველაფერი კარგად დასრულდა, მაგრამ პრობლემა ის არის, რომ მას კარდიოვერტერ დეფიბრილატორი ჩაუყენეს, რომელიც გულის გაჩერებას და არითმიას ხელს უშლის, შესაბამისად, მის ტემპს არეგულირებს. მისი კლუბის, მილანის ინტერის მესვეურებმა კი თქვეს, სანამ ამ აპარატს არ ამოიღებს, თამაშის ნებას არ დავრთავთო…
