ესპანეთში ბენზემამ მოიგო …

ესპანურმა მარკამ მკითხველთა შორის ინტერნეტ-გამოკითხვა ჩაატარა, ვის მისცემდნენ წლეულს ოქროს ბურთს.

გამოკითხვაში მცირე უპირატესობით გაიმარჯვა რეალისა და საფრანგეთის ნაკრების ფორვარდმა ქარიმ ბენზემამ. მას მკითხველთა ხმების 38% ერგო.

ბენზემას სულ ერთი პროცენტით ჩამორჩა არგენტინის ნაკრების და ფრანგული პსჟ-ის ლიდერი ლეო მესი.

დანარჩენი ადგილები ასე განაწილდა:

3. რობერტ ლევანდოვსკი (ბაიერნი, პოლონეთი) – 14%.

4. კრიშტიანუ რონალდუ (მანჩესტერი, პორტუგალია) – 4%.

5. ჟორჟინიო (ჩელსი, იტალია) – 3%.

6. ნგოლო კანტე (ჩელსი, საფრანგეთი) – 2%.

შეგახსენებთ, რომ ეს მხოლოდ ერთი კონკრეტული გამოცემის მიერ ჩატარებული გამოკითხვაა და შესაძლოა, სულაც არ დაემთხვეს საბოლოო შედეგს, მაგრამ ზოგადი განწყობების შესახებ გარკვეულ წარმოდგენებს ნამდვილად ქმნის.