სამუელ ეტოო კამერუნის ფეხბურთის ფედერაციის პრეზიდენტი გახდა. აფრიკის ყველა დროის ერთ-ერთი საუკეთესო ფეხბურთელი გამოირჩევა პირდაპირობით და ბევრჯერ გაუკრიტიკებია ფიფა, უეფა თუ სხვადასხვა კლუბების ჩინოსნები. მეტწილად ეს აფრიკელი ფეხბურთელების ინტერესების დაცვას ეხება ხოლმე…
ეტოო 40 წლისაა. ბოლოს ყატარ სკ-ში თამაშობდა. მან ორ სხვადასხვა გუნდში მოიგო ჩემპიონთა ლიგა (ბარსელონაში ორჯერ, ერთხელ ინტერშიც), ორ ფინალში გაიტანა გოლი. მოიგო ოლიმპიადა (2000) და ორჯერ ასწია აფრიკის თასი (2000, 2002). აღარაფერს ვწერთ ქვეყნის ჩემპიონობებზე და თასებზე.