ერთი კვირის წინათ, მარკო ვერატიმ იტალიის ნაკრებთან ერთად ევროპის ჩემპიონობა მოიპოვა. რამდენიმე დღეში კი ევროტრიუმფს კიდევ ერთი მისთვის გამორჩეული მოვლენა დაამატა. მოდელ ჯესიკა აიდიზე დაქორწინდა, რომელთანაც ბოლო ორი წელიწადია ურთიერთობა ჰქონია.
დიდებული საქორწინო ცერემონია პარიზის სიახლოვეს, ბანკეტი კი ცნობილ სასტუმრო Mairie de Neuilly-sur-Seine-ში გაიმართა, სადაც ერთი ღამე 7 ათასი გირვანქა ღირს.
სტუმრები თავისი სიმღერებით საფრანგეთის ყოფილმა პირველმა ლედიმ, კარლა ბრუნიმ დაატკბო (ნიკოლა სარკოზის მეუღლე გახლავთ).
ქორწილს ვერატის რამდენიმე ყოფილი და ახლადელი პარისენჟერმენელი თანაგუნდელი დაესწრო. მათ შორის, ზლატან იბრაჰიმოვჩი, სალვატორე სირიგუ და კილიან მბაპე.
28 წლის ვერატის პირველი მეუღლისგან, ლაურა ძაცარასგან ორი ვაჟი, ტომაზო და ანდრეა ჰყავს.