რიკარდო რეგუფე – ამ კაცმა 30 მილიონი ევრო მიიღო კრიშტიანუ რონალდუს ალ-ნასრში გადასვლისთვის. ეს საკომისიო თანხაა.
რიკარდო რეგუფე რონალდუს მეგობარი და ნდობით აღჭურვილი პირია. ზოგი მენეჯერსაც ეძახის, მაგრამ თავად პორტუგალიელი სუპერვარსკვლავი ამბობს, უბრალოდ უახლოესი მეგობარიაო… სწორედ რეგუფე აწარმოებდა მოლაპარაკებებს ალ-ნასრთან და არა აგენტი ჟორჟე მენდეში.
რიკარდო რეგუფე აჩრდილივით თან დაჰყვება რონალდუს, პორტუგალიის ნაკრებშიც გასულ მუნდიალზე სულ გვერდში ედგა. და სხვათა შორის, ამის გამო ნაკრების სხვა ფეხბურთელები უკმაყოფილებას გამოხატავდნენ – ჩვენს შორის რატომ არისო.
რონალდუმ და რეგუფემ 2003 წელს გაიცნეს ერთმანეთი. რეგუფე Nike-ს წარმომადგენელი გახლდათ.