სასუოლო – ნაპოლის მიმდინარეობისას, სადაც ხვიჩა კვარაცხელიამ გოლი გაიტანა, ქართველმა პოეტმა, ლექტორმა, ტელეწამყვანმა და საქართველოს პარლამენტის ეროვნული ბიბლიოთეკის გენერალურმა დირექტორმა გიორგი კეკელიძემ, სოციალურ ქსელში საკმაოდ საინტერესო პოსტი გამოაქვეყნა. მან თქვა, რომ ხვიჩა კვარაცხელიაზე წიგნის დაწერას აპირებს.
“ხვიჩა კვარაცხელიას საოცარი გოლის კვალად, გამცნობთ, რომ იტალიურ მსხვილ გამომცემლობასთან შეთანხმებით, ვიწყებ პატარა წიგნის წერას ქართველ საფეხბურთო ვარსკვლავზე.” – დაწერა კეკელიძემ ფეისბუქის საკუთარ გვერდზე.
კვარაცხელია ბრწყინვალე ფორმაშია. ხვიჩამ ნაპოლის მაისურით ოფიციალურ მატჩებში 24 მატჩი ჩაატარა, 12 გოლი გაიტანა და ამდენივე საგოლე გადაცემა გააკეთა. ნაპოლი უახლოეს მატჩს ჩემპიონთა ლიგის 1/8 ფინალში აინტრახტთან გამართავს.