კავაი ლეონარდმა “კლიპერსს” გამარჯვება მოუტანა

“ლოს-ანჯელეს კლიპერსის” ლიდერებმა – კავაი ლეონარდმა და პოლ ჯორჯმა ტრავმები მოიშუშეს და პარკეტს დაუბრუნდნენ.

ტაირონ ლუს გაწვრთნილმა გუნდმა გასვლით შეხვედრაში, მძიმე ბრძოლაში 119-117 დაამარცხა “შარლოტი” და მიმდინარე სეზონში მე-14 გამარჯვება მოიპოვა.

null

6 მატჩიანი პაუზის შემდეგ კავაი ლეონარდი პარკეტს დაუბრუნდა და სწორედ მისი ზუსტი სროლა გახდა გადამწყვეტი მატჩის მოსაგებად.

ძირითადი დროის დასრულებამდე 1,4 წამი რჩებოდა, როდესაც ტაბლოზე თანაბარი ანგარიში ფიქსირდებოდა 117-117. თანაგუნდელებმა კავაი ერთი-ერთზე დატოვეს მეტოქესთან, ლეონარდმა ლამაზი მოძრაობით “მოტეხა მოწინააღდეგე და საშუალო დისტანციიდან გამარჯვების მომტანი სროლა განახორციელა 119-117.

მატჩის საუკეთესო მოთამაშე კავაი ლეონარდი გახდა, რომელმაც ჯამში 28 წუთი ითამაშა და ამ დროის განმავლობაში 16 ქულა+6 მოხსნა+2 შედეგიანი პასი მოაგროვა.

სტაბილურად გამოიყურებოდა “კლიპერსის” კიდევ ერთი ლიდერი – პოლ ჯორჯი, რომელმაც იმავე დროში 19 ქულა, 7 პასი და 3 მოხსნა მოიპოვა.

null

“შარლოტის” რიგებიდან გამოირჩა კელი უბრე ჯუნიორი, რომელიც მატჩის ბომბარდირი გახდა 28 ქულით, თუმცა მხოლოდ მისმა კარგმა თამაშმა ვერ უშველა “ჰორნეთსს”.

25 გამართული თამაშის შემდეგ “კლიპერსი” დასავლეთ კონფერენციაში მე-6 პოზიციას იკავებს (14-11), ხოლო “შარლოტი” აღოსავლეთ კონფერენციაში ბოლოდან მესამეა (მე-13 ადგილი, 7 მოგება, 17 მარცხი).

Leave a comment

Your email address will not be published. Required fields are marked *