კანკავა და კაშია სლოვაკეთში სიმბოლურ გუნდში შეიყვანეს

ბრატისლავას სლოვანის ქართველი ფეხბურთელები ჯაბა კანკავა და გურამ კაშია სლოვაკეთში 2021-22 წლების სეზონის სიმბოლურ გუნდში შეიყვანეს. გალა დაჯილდოვებაზე, რომელიც გუშინ გაიმართა, სეზონის საუკეთესო ფეხბურთელი, საუკეთესო ახალგაზრდა ფეხბურთელი, საუკეთესო ბომბარდირი და საუკეთესო მწვრთნელი გამოავლინეს.

თერთმეტეულში ლივერპულის და ფენერბახჩეს ყოფილი მცველი მარტინ შკრტელიც მოხვდა, სიმბოლურ გუნდში ასევე არის ვლადიმირ ვაისი უმცროსი. სეზონის საუკეთესო მწვრთნელად, საქართველოს ნაკრების ყოფილი დამრიგებელი ვლადიმირ ვაისი გახდა.

კანკავა და კაშია ბრატისლავას სლოვანს შარშან ზაფხულში შეუერთდნენ. კანკავამ სლოვაკეთის ჩემპიონატში 25 მატჩი ჩაატარა და 1 გოლი გაიტანა, კაშიას ანგარიშზე კი 24 შეხვედრა და 1 გოლია. შეგახსენებთ, რომ ჩვენებურები სლოვაკეთში ჩემპიონები გახდნენ.

Leave a comment

Your email address will not be published. Required fields are marked *