ჩემპიონთა ლიგის 1/8 ფინალში ლივერპულის დამარცხების შემდეგ, მადრიდის რეალის მწვრთნელმა კარლო ანჩელოტიმ ვინიციუს ჯუნიორზე ისაუბრა. იტალიელმა განაცხადა, რომ მისთვის მსოფლიოს საუკეთესო ფეხბურთელი, სწორედ რეალის გარემარბია.
“ვინიციუსმა დღეს შესანიშნავად ითამაშა. მართალია გოლი არ გაუტანია, თუმცა საგოლე გადაცემა გააკეთა და ძალიან დაგვეხმარა. ჩემთვის ის მსოფლიოს საუკეთესო ფეხბურთელია.” – ციტირებს ანჩელოტის სიტყვებს Marca.
ვინიციუს ჯუნიორი მშვენიერ ფორმაშია. ბრაზილიელმა ამ სეზონში რეალის რიგებში 42 მატჩი ჩაატარა და 17 გოლი გაიტანა.
რეალი ლა ლიგაში 56 ქულით მეორე ადგილზეა და ბარსელონას 9 ქულით ჩამორჩება. სამეფო გუნდმა ჩემპიონთა ლიგის 1/8 ფინალში ლივერპული 2 მატჩის ჯამში 6:2 დაამარცხა.