კახა ცხადაძე: დინამო ამ დონეზე სათამაშოდ მზად არ არის

დინამო თბილისმა კონფერენს ლიგის საკვალიფიკაციო ეტაპის მეორე მატჩი ჰაიფას მაკაბისთან 1:5 წააგო, 2 მატჩის ჯამში გუნდი 2:7 დამარცხდა. თამაშის შემდეგ პრესკონფერენციაზე თბილისელთა მთავარმა მწვრთნელმა კახა ცხადაძემ ისაუბრა.

“ბოდიშს ვუხდი ქართველ გულშემატკივრებს. პირველ ტაიმში არაერთი მომენტი დაგვრჩა გამოუყენებელი. გოლები ისევ და ისევ დაცვაში დაშვებული შეცდომებით გავუშვით. დინამო ამ დონეზე სათამაშოდ მზად არ არის.”-განაცხადა ქართველმა სპეციალისტმა.

ევროტურნირებიდან გამოვარდნის შემდეგ, დინამოს საზრუნავი ჩემპიონობის შენარჩუნება იქნება, რაც ადვილი ნამდვილად არ გახლავთ. თბილისელები 41 ქულით მეორე ადგილზე არიან და ლიდერ დინამო ბათუმს 2 ქულით ჩამორჩებიან.

Leave a comment

Your email address will not be published.