ზამთრის სატრანსფერო პერიოდში, ბარსელონა 3 ახალ ფეხბურთელს დაიმატებს.
ბარსას მხარდამჭერების წარმომადგენლობასთან გალისიაში გამართულ სადილზე, ეს ყველაფერი ჟოან ლაპორტამ დაადასტურა. წყარო TV3-ია.
აქედან ერთერთი ფეხბურთელი ფორვარდი იქნება, რადგან კუნ აგუეროს გულთან დაკავშირებული პრობლემა აქვს და 3 თვეს გამოტოვებს.
ახალწვეულების მოსაყვანად კლუბს რამდენიმე ფეხბურთელის გაყიდვა მოუწევს, სახელფასო ლიმიტი შევსებული აქვთ და საჭიროა თანხები გაათავისუფლონ.
ბარსა ტრანსფერებზე მუშაობას მალე დაიწყებს, ყველაფერი ხავისთანაა შეთანხმებული.