ლოკომოტივი მწვრთნელთან ერთად ფეხბურთელებმაც დატოვეს – “ვწუხვართ, რომ გუნდის შენარჩუნება ვერ შევძელით”

თბილისის ლოკომოტივში საკადრო ცვლილებებია. როგორც დღეს გამცნეთ, გუნდი ურთიერთშეთანხმების საფუძველზე გია ჭიაბრიშვილმა დატოვა. როგორც შემდეგ გახდა ცნობილი, ლოკომოტივიდან არაერთი ფეხბურთელი წავიდა, მათ შორის არიან გუნდის ლიდერებიც.

რკინიგზელებმა ფეისბუქ გვერდზე შემდეგი განცხადება გამოაქვეყნეს.

მიმდინარე ფინანსური მდგომარეობიდან გამომდინარე, ლოკომოტივი იძულებული გახდა უარი თქვას მოდელზე, რომლითაც ხელმძღვანელობდა ბოლო წლების განმავლობაში.

ვწუხავრთ, რომ ბევრი მცდელობის მიუხედავად ვერ ვახერხებთ შევინარჩუნოთ არსებული გუნდი, გიორგი ჭიაბრიშვილის ხელმძღვანელობით.
აქამდე არსებულ ფინანსურ წყაროებზე წვდომა შეუძლებელი გახდა, რამაც გამოიწვია შექმნილი გარემოება.
ჩვენ ვადასტურებთ რომ გვაქვს ინფორმაცია სახელმწიფო დაფინანსების არსებობის შესახებ, თუმცა ჯერ არ ვიცით რა სტრუქტურით მოხდება თანხების განაწილება კლუბებზე.
ასევე მიუხადავად სპონსორთან მიღწეული შეთანხმებისა, კლუბის დაფინანსება დამოკიდებულია სათამაშო ბიზნესის ასოციაციის საერთო გადაწყვეტილებაზე, რომელიც უკავშირდება მათ სასპონსორო კუთხით ინტეგრაციას ქართულ სპორტში.
აღნიშნული მოცემულობები ართულებს პასუხისმგებლობის აღებას, ფეხბურთელების და კლუბში მომუშავე პერსონალის მიმართ.
თბილისის ლოკომოტივი თავისივე ფინანსური რესურსით გააგრძელებს წინსვლას და გუნდის ჩამოყალიბებას, რომლის მიზანიც ყოველთვის იყო ახალგაზრდა ფეხბურთელების განვითარება და მათი ხელშეწყობა.”-ნათქვამია განცხადებაში.
რაც შეეხებათ ლოკომოტივიდან წასულ ფეხბურთელებს, გუნდი მარკ სპეკელნიკმა, დავით უბილავამ, სანდრო გურეშიძემ, გიორგი გაბაძემ, დავით სამურკასოვმა, ადამა ვადემ, თორნიკე კირკიტაძემ, ნიკა სანდოხაძემ, თემურ შონიამ, ბექა დარცმელიამ, გეგა დიასამიძემ, კახა კახაბრიშვილმა, მამია გავაშელიშვილმა და ირაკლი სიხარულიძემ დატოვეს.

Leave a comment

Your email address will not be published.