კვიპროსის ჩემპიონატში ანორთოსისი ლარნაკას აეკს შეხვდა და მატჩი უგოლოდ დასრულდა. ეს დიდწილად გიორგი ლორიას დამსახურებაა, რომელმაც პენალტი მოიგერია.
ლორიას მსგავსად ასევე ძირითად შემადგენლობაში იყო ავთო ებრალიძე, რომელიც 51-ე წუთზე შეცვალეს, ქართველმა მეკარემ კი ცხადია მატჩის ბოლომდე ითამაშა.
ანორთოსისი 14 გუნდიან ჩემპიონატში 19 ქულით მე-10 ადგილზეა და შემდეგ ტურში აპოლონს შეხვდება. გუნდს ექვსეულამდე 9 ქულა აშორებს. აღსანიშნავია, რომ ანორთოსისს ბოლო 6 თამაშია არ მოუგია.