ტელეგრაფის ცნობით, ტოტენჰემის კაპიტანი, ფრანგი მეკარე, უგო ლორისი, გუნდის მომავალ მატჩებს გამოტოვებს. მუხლის ტრავმის გამო ის მინიმუმ 6-8 კვირას ვერ ითამაშებს. მეკარე 5 თებერვალს, პრემიერლიგის 22-ე ტურის მანჩესტერ სიტისთან (1:0) მატჩის ბოლოს დაშავდა.
გამოკვლევამ დაადასტურა, რომ ლორისს მუხლის ლიგატები დაუზიანდა და ახლა მას რეაბილიტაციის პერიოდი დასჭირდება. თავიდან ვარაუდობდნენ, ფრანგი სეზონის დარჩენილ ნაწილს გამოტოვებდა, მაგრამ ტოტენჰემში იმედოვნებენ: ფეხბურთელს ოპერაცია არ დასჭირდება და დროზე ადრე დაბრუნდება. თუმცა გამოკვლევებს გააგრძელებს.
ამრიგად, ლორისი ჩემპიონთა ლიგის ფლეი-ოფში ტოტენჰემს მილანის წინააღმდეგ ვერ დაეხმარება. პირველი მატჩი 14 თებერვალს გაიმართება, საპასუხო კი – 8 მარტს.
