ნბა-ს სამხრეთ-დასავლეთ დივიზიონში პირველი ტექსასური დაპირისპირება შედგა – „დალასმა“ საკთარ მოედანზე „სან ანტონიოს“ უმასპინძლა.
შეხვედრის სტარტზე „სპურსმა“ 25:5 გაქცევა მოაწყო და 20 ქულიანი უპირატესობა მოიპოვა. „დალასს“ ძალიან გაუჭირდა, 6 წუთის განმავლობაში მასპინძლები ვერ ახერხებდნენ თამაშიდან ბურთის ჩაგდებას მეტოქის კალათში, თუმცა ეს დანავსული სერია ისევ ლუკა დონჩიჩმა „გატეხა“, როდესაც სამქულიანი „ჩასვა“ შორი დისტანციიდან.
მიუხედავად კრისტაფს პორჟინგისის არყოფნისა, „დალასმა“ 31:4 გაქცევა მოაწყო და ამჯერად უკვე მასპინძლები გალიდერდნენ 36:29.
„სპურსმა“ პირველი ტაიმი მაინც მოიგო – 46:47-ზე ბრინ ფორბსმა სირენასთან ერთად ბაზერბითერი ჩააგდო და სტუმრები დიდ შესვენებაზე 2 ქულიანი ჰანდიკაპით გავიდნენ.
მატჩის მეორე ნახევარში „დალასი“ ბევრად უკეთესად გამოიყურებოდა, ვიდრე მისი მეტოქე – ლუკა დონჩიჩის ლიდერობით მასპინძლებმა ჯერ მესამე მეოთხედი მოიგეს 29:27, ხოლო შემდეგ მეოთხე მეოთხედში 5 ქულიანი უპირატესობა მოიპოვეს, რომელიც შეინარჩუნეს კიდეც მატჩის ბოლომდე.
შეხვედრის საუკეთესო მოთამაშე ლუკა დონჩიჩი გახდა, რომელმაც 25 ქულა, 3 მოხსნა და 5 პასი დააგროვა. სათადარიგოთა სკამიდან მშვენივრად ჩაერთო თამაშში ჯალენ ბრანსონი, რომელსაც 19 ქულა ქონდა.
დაგ მაკდერმოტის(მარჯვენა მუხლის ტრავმა) გარეშე დარჩენილ „სპურსს“ დეჟანტე მარიმ ულიდერა, რომელსაც მცირედი დააკლდა სამმაგ დუბლამდე23 ქულა,10 მოხსნა, 8 პასი. ორმაგი დუბლი შეასრულა ავსტრიელმა ცენტრმა ჯაკობ პოელტლმა – 14 ქულა, 13 მოხსნა (6 მეტოის ფარზე).
გრეგ პოპოვიჩის გაწვრთნილ „სან ანტონიოს“ სეზონის სტარტზე ცუდი შედეგები აქვს – ხუთი მატჩიდან 4 წააგო. „დალასს“ კი პირიქით – 3 მოგება და 1 წაგება.