მანჩესტერ სიტის თავდამსხმელმა ფილ ფოდენმა ჟურნალიტებთან ჩემპიონთა ლიგის მოგების სურვილზე ისაუბრა.
„ჩემპიონთა ლიგის ფინალში ჩელსისთან წაგების შემდეგ ვიტირე. არ მიყვარს ამის ჩვენება, მაგრამ ხანდახან არის ემოციური მომენტები მოედნის გარეთ.
ვიმედოვნებ, წლეულს გავიმარჯვებთ. ჩემპიონთა ლიგა არის ის მწვერვალი, რომელიც ახლა ყველას გვინდა დავიპყროთ. ფინალში ვიყავით და ძალიან მტკივნეული გამოდგა წაგება. იმედია, თუ ისევ იქამდე მივალთ, ფინალში დამარცხებისა და პრემიერლიგის მოგების გამოცდილებას გამოვიყენებთ.
ჯერ კიდევ ახალგაზრდა ვარ და რაც უფრო მნიშვნელოვან მატჩებს ვითამაშებ, მით უკეთ ვისწავლი მათთან გამკლავებას“, – თქვა ფილ ფოდენმა.
