ატლეტიკოს დამრიგებლის, დიეგო სიმეონეს ვაჟმა ჯოვანიმ, რომელიც იტალიური კალიარის ღირსებას იცავს, ინსტაგრამში საინტერესო-სალაღობო ფოტოები გამოაქვეყნა. მან მამამისივით შავი სამოსი ჩაიცვა და მშობლის ემოციების იმიტაცია სცადა. ძირითადად იმ ემოციებისა, როცა მამა თავისი ფეხბურთლებით უკმაყოფილოა.
მოგეხსენებათ, 52 წლის არგენტინელი სპეციალისტი ცნობილია თავისი ზღვარგადასული ქმედებებით, ნეგატიურ და პოზიტიურ ასპექტებშიც. თუმცა მადრიდის ატლეტიკო 11 წლის განმავლობაში საშუალოდან სუპერგუნდად აქცია.
