მეოთხედფინალში მეტოქე რუსეთია

პორტუგალიის დედაქალაქ ლისაბონში, შვიდკაცა რაგბიში რაგბი ევროპის ჩემპიონატის პირველი დღის, ჯგუფური ეტაპის მატჩები გაიმართა. საქართველოს ნაკრებმა, რომელიც ძირითადად ახალგაზრდა მორაგბეებითაა დაკომპლექტებული და A ჯგუფში ასპარეზობდა, პირველ მატჩში მასპინძლებთან, პორტუგალიის ნაკრებტან წააგო – 10:19.

მომდევნო შეხვედრაში კი, გერმანიის ნაკრებთან თამაშის თითქმის ყველა კომპონენტი დავთმეთ და 0:29 წავაგეთ. გერმანიამ საბოლოოდ ჯგუფში ყველა მატჩი მოიგო და პირველ ადგილზე გავიდა.

მესამე შეხვედრაში ჩვენმა მეშვიდკაცეებმა მატჩის ბოლო წამებზე შეძლეს ლიეტუვას დამარცხება 19:14 და ჯგუფში მესამე ადგილზე გავიდნენ.

ხვალ, მეოთხედფინალში ჩვენი მეტოქე რუსეთის შვიდკაცა რაგბის ნაკრები იქნება. გამარჯვების შემთხვევაში კი, ნახევარფინალში მეტოქე გერმანიასა და პოლონეთს შორის გამარჯვებულს ვეთამაშებით.

Leave a comment

Your email address will not be published. Required fields are marked *