UFC 266-ზე ქართველმა მებრძოლმა, მერაბ დვალიშვილმა ბრაზილიელი მარლონ მორაესი ტექნიკური ნოკაუტით დაამარცხა. ბრძოლის მიმდინარეობისას პირველ რაუნდში უმძიმეს დარტყმებს გაუძლო, მაგრამ ბრძოლაში დაბრუნება და გამარჯვება მოახერხა.
ბრძოლამდე მერაბი რეიტინგის მე-11 ნომერი იყო, მისი მოწინააღმდეგე კი მე-6.
შესანიშნავი პერფორმანსის გამო მერაბ დვალიშვილმა ბონუსიც დაიმსახურა.
განახლებული რეიტინგით ქართველმა მებრძოლმა მარლონ მორაესის ადგილი დაიკავა. ის ახლა სუპერმსუბუქი წონითი კატეგორიის მეექვსე ნომერია.