ბრიტანულ მედიაში უცნაურმა სიახლემ გაიჟღერა: ლიონელ მესი შეიძლება ბარსელონაში დაბრუნდესო…
საქმე ის არის, რომ ფეხბურთელის მეუღლეს, ანტონელა როკუცოს, საფრანგეთის დედაქალაქში მოუწყენია და ქმარს ტვინს უჭამს, გინდა თუ არა, ბარსელონაში დავბრუნდეთო. ლეოს ანტონელა ბავშვობიდან უყვარს და მის აზრს პატივს სცემს. თურმე ბავშვებიც, ტიაგო, მატეო და ჩიროც ბედნიერები იქნებოდნენ უკან დაბრუნებით, რადგან ბარსელონაში ბევრი მეგობრები ჰყოლიათ.
ადრე მესის საუკეთესო მეგობარმა, ლუის სუარესმა თქვა, ლეო საფრანგეთის ჰავას ვერ ეგუება, ამბობს – ცივაო.
ცალკე პსჟ-ის მთავარ მწვრთნელთან, მაურისიო პოჩეტინოსთან მესის გართულებული ურთიერთობის შესახებ წერენ.
მოკლედ, არგენტინელის კარიერა პარიზში ჯერჯერობით სათანადოდ ვერ ვითარდება. ყველაფერს კოვიდიც დაერთო, როს გამოც ლეომ ფრანგული ლიგა 1-ის ბოლო ორი ტურის მატჩები გამოტიოვა.
