ევრო 2020-ის საუკეთესო მეგოლე კრიშტიანუ რონალდუ ტურინში 26 ივლისს დაბრუნდება და იუვენტუსთან ახალ კონტრაქტზე დაიწყებს მოლაპარაკებას. მანამდე კი ხმელთაშუა ზღვაში ნებივრობს მიჯნურ ჯორჯინასთან ერთად, თავის 5,5 მილიონგირვანქიან იახტაზე.
ორიოდ დღის წინათ ისინი მალიორკაზე დალანდეს.
27 წლის ჯორჯინამ კი ინსტაგრამში პიკანტური ფოტოები გამოაქვეყნა, სადაც იახტაზე მზის ჩასვლისას, თავის გულის სწორს ვნებიანად კოცნის. წარწერა: „მიყვარხარ შენ და ზღვა…“
ამან მისი 25,9 მილიონი გამომწერის აღფრთოვანება და გულისტკივილიც გამოიწვია.
ერთი წერს: „აწი შეგიძლიათ დაქორწინდეთ!…“
მეორე: „ამ საღამოს ჩემი სიკვდილი გინდათ? ვერ მოგართვით…“
