რომას ახალმა მთავარმა მწვრთნელმა ჟოზე მოურინიუმ, კლუბის საწვრთნელ ბაზაზე უზარმაზარი ეკრანი დააყენებინა, რათა თვალსაჩინოდ მოუნიშნოს ფეხბურთელებს, რას არ აკეთებენ მართებულად.
ასეთი რამ განსაკუთრებულს ინგლისში მუშაობისასაც გაუკეთებია, თუმცა ახლა ეკრანს დრონიც დაამატა, რომელიც ვარჯიშისას ზემოდან დააფიქსირებს ფეხბურთელების პოზიციურ განლაგებას, მოძრაობას და სისწრაფეს.
ყველაფერი ეს მყის აისახება დიდ ეკრანზე.
მოურინიუ ახალი ფეხბურთელების დამატებაზეც ფიქრობს. უკვე გადაიბირა თანამემამულე მეკარე, რუი პატრისიუ. მიმდინარეობს მოლაპარაკებები არსენალის შვეიცარიელ ნახევარმცველ გრანიტ ჯაკასთან. რომაელები მეთოფეებს მასში 15 მილიონ გირვანქას სთავაზობენ.
ასევე საუბარია მანჩესტერ იუნაიტედის მარცხენა მცველ ალექს ტელესზე და ჩელსის ემერსონ პალმიერიზე, რომელიც ამავე პოზოციაზე ირჯება.