26 იანვარს ჟოზე მოურინიუ 59 წლის გახდა. რომას ფეხბურთელებმა კი ეს თარიღი სამი დღით ადრე, სერია A-ს 23-ე ტურში ემპოლისთან გამარჯვებით (2:4), შემდეგ კი გასახდელში საზეიმო ტორტით და შამპანურით მიულოცეს.
„განსაკუთრებული“ ბედნიერი ჩანდა, იღიმებოდა და ხუმრობდა. ტორტი თავად გაჭრა და პირველი ნაჭერი შუახაზელ ლორენცო პელეგრინის მიაწოდა. შემდეგ კი თქვა: 0:4 ვიგებდით ემპოლისთან და ჩემმა ბიჭებმა ორი გოლი განგებ გაუშვეს, სიტუაცია რომ დაძაბულიყო და მაყურებელს არ მოეწყინაო.
