მსოფლიო ჩემპიონი: კვარაცხელიას 2020 წლიდან ვაკვირდები და…

ორი თვის წინანდელთან შედარებით, იტალიურ მედიაში ხვიჩა კვარაცხელიას შეფასებები მაგრად შეიცვალა. თავიდან ეჭვით უყურებდნენ, პესიმისტური განცხადებები უფრო მეტი იყო, ბოლო სანაკრებო თამაშების მერე მხოლოდ ქება იწერება…

კრისტიან ძაკარდომ აქო და ადიდა ხვიჩა. ძაკარდო მსოფლიო ჩემპიონია, 2006 წელს თამაშობდა იტალიის ნაკრებში, საუკეთესო სეზონები პალერმოში, პარმასა და მილანში გაატარა.

„კვარაცხელიას თამაში პირველად 2020 წელს ვნახე და თავიდანვე შთაბეჭდილება მოახდინა. ორი წელია, რაც ვაკვირდები და იმედია, ჩემს მოლოდინს ბოლომდე გაამართლებს. კვარაცხელიას აქვს გონება, აზროვნება და იმედია, ნაპოლიში ერთ-ერთი საუკეთესო გახდება. ვის ჰგავს? ვფიქრობ ლეაოზე. კვარაცხელიას აქვს აფეთქებები, ბევრს დარბის და კარგ დრიბლინგს გვთავაზობს. ასეთები იტალიაში ცოტანი არიან“.

(https://www.ilnapolista.it/2022/06/zaccardo-kvaratskhelia-strappa-corre-tanto-e-ha-un-gran-dribbling-somiglia-a-leao/)

Leave a comment

Your email address will not be published.