„სკოლას აცდენთ“? – ნაპოლის ბაზაზე გუნდის მწვრთნელის ლუჩანო სპალეტის შეხვედრა სკოლის მოსწავლეებს რომ შეხვდა, პირველი ეს უთხრა… ბავშვები კი სინიორ სპალეტის აღფრთოვანებულები შეჰყურებდნენ… კარგ შედეგებს ულოცავდნენ, სულ სხვა ტალღაზე იყვნენ მომართულები.
„როდის უნდა აღადგინოთ დღევანდელი გაცდენა?, — არ მოეშვა სპალეტი ბავშვებს, — აი, წარმოიდგინეთ, როდესაც დიდები გაიზრდებით და მე გაგწვრთნით, თქვენ შეიძლება ვერ გაიგოთ რას გეუბნებით. როგორ შეასრულებთ მაშინ ჩემს დავალებას? მე არ მჭირდება ისინი, ვისაც მიხვედრის უნარი არ აქვს”.
არადა, ეს პირველი შემთხვევა არ არის, როდესაც სპალეტი სკოლის, განათლებისა და კულტურის მნიშვნელობაზე ამახვილებს ყურადღებას. ის ამის შესახებ მათაც უჩიჩინებს, ვინც ფეხბურთელის კარიერისთვის ემზადება. მას ბევრჯერ უთქვამს, რომ ცოდნა და გახსნილი გონება მხოლოდ ფეხბურთს გარე ცხოვრებისთვის კი არ არის მნიშვნელოვანი, არამედ მოედანზეც გადამწყვეტ როლს თამაშობს…
კვარა კი სკოლს არ აცდენდა, როგორც მამამ, ბადრიმ, სარბიელის პოდკასტში საუბრისას თქვა, ხვიჩა ვარჯიშამდე გულმოდგინედ მეცადინეობდა და მხოლოდ ამის შემდეგ მიდიოდა ვარჯიშზე…
