UFC Orlando-ზე რომან დოლიძემ მორიგი ეფექტური გამარჯვება მოიპოვა – ქართველმა მებრძოლმა გამოცდილი მებრძოლი, ჯეკ ჰერმანსონი მეორე რაუნდში, ტექნიკური ნოკაუტით დაამარცხა. რომანმა ჰერმანსონი გრეპლინგის დროს გამოიჭირა, ფეხი ჩაუკეტა და საქმე მძიმე დარტყმებით დაასრულა.
რომანის ბრძოლას აღნიშნული წონის ყოფილმა ჩემპიონმა, ისრაელ ადესანიამაც ადევნა თვალი. მებრძოლმა საკუთარ იუთუბ არხზე გამოაქვეყნა ვიდეო, სადაც აღნიშნული ივენთის ბრძოლებს უყურებს. ადესანია რომანის ბრწყინვალე გამარჯვებამ მოხიბლა, ქართველის პერფორმანსმა ექს-ჩემპიონის აპლოდისმენტებიც დაიმსახურა.