ნიკოლოზ ბასილაშვილის დასანანი მარცხი ინდიან-უელსის ფინალში

October 15, 2021 Nikoloz Basilashvili of Georgia acknowledges the crowd after winning his match against Stefanos Tsitsipas of Greece during the 2021 BNP Paribas Open at Indian Wells Tennis Garden in Indian Wells, California. || 209836_0052 2021 ATP BNP masters 1000 men's open Paribas PRESS sport tennis USA WTA zagency zcsm zlast24 zselect zsports ZTENNIS Zuma ZUMAPRESS.com zwire

კალიფორნიაში დასრულდა ინდიან-უელსის მასტერსი. 1000-იანთა კატეგორიის ტურნირის ფინალში კამერონ ნორიმ 3:6 6:4 6:1 დაამარცხა ნიკოლოზ ბასილაშვილი და გახდა პირველი ბრიტანელი ჩოგბურთელი, რომელმაც ამერიკულ „უდაბნოში“ ტიტული მოიგო.

შეხვედრის სტარტზე ნიკას ნერვიულობა ეტყობოდა – ქართველი საკმაოდ ბევრ შეცდომას უშვებდა, რის გამოც მალევე დაბრეიკდა და 1:3 ჩამორჩა მეტოქეს.

ბასილაშვილი დროულად გამოფხიზლდა – გაცილებით უფრო აგრესიულად ათამაშდა და აიძულა მეტოქე მისთვის არაკომფორტულ „ზონაში“ შესულიყო.
2:3-ზე, ნორიმ ორმაგი შეცდომა დაუშვა და მეტოქეს უკუბრეიკის შესრულების საშუალება მისცა, რამაც აბსოლიტურად შეცვალა პირველი სეტის მიმდინარეობა.

ნიკამ თავისი აგრესიული დარტყმების ფონზე გააგრძელა მეტოქის „დაბომბვა“, რისი წყალობითაც 1:3-დან ზედიზედ 5 გეიმი მოიგო და მასთან ერთად სეტიც – 6:3.

null

მეორე პარტიის სტარტზე ნიკა ბრეიკიანი უპირატესობით გავიდა წინ 2:1 და იქმნებოდა შთაბეჭდილება, რომ ქართველი იოლად მიიყვანდა მატჩს საბოლოო გამარჯვებამდე, თუმცა ბრიტანელი ჩოგბურთელი არ „გატყდა“ – მომდევნო გეიმში კამერონმა უკუბრეიკი შეასრულა და შეხვედრაში ინტრიგა დიდი დოზით დააბრუნა.

ეტაპობრივად ნორიმ გაზარდა წნეხი ქართველ ჩოგბურთელზე, რამაც შედეგი სეტის ბოლოს გამოიღო – 4:4 -ზე „ბრიტმა“ ზედიზედ ორი გეიმი მოიგო მშრალი ანგარიშით და სეტებს შორის წონასწორობაც აღადგინა 1:1 (3:6 6:4).

მესამე, გადამწყვეტ სეტში ბრძოლა ფაქტიურად აღარ ყოფილა – ბასილაშვილი ცდილობდა მეტოქისთვის წინააღმდეგობა გაეწია, თუმცა ყველა გადამწყვეტი ქულა კამერონმა მოიგო.

ნორიმ კიდევ ორჯერ აიღო ქართველის ჩაწოდება და მესამე პარტიაში 6:1 იმარჯვა.

მატჩი 1 საათსა და 51 წუთს გაგრძელდა. ამ დროის განმავლობაში ბასილაშვილის ანგარიშზე 2 ეისი, არცერთი ორმაგი შეცდომა და 3 ბრეიკი იყო. თავისმხრივ ნორიმ 1 ეისის წილ 2 ორმაგი დაუშვა და 8 ბრეიკპოინტიდან 5-ის რეალიზება შეძლო.

საქართველოს პირველმა ჩოგანმა შეხვედრა 24 ვინერსისთ და 49 უნებლიე შეცდომით(32 ფორჰენდიდან, 17 ბექჰენდიდან) დაასრულა, მის მეტოქეს კი 10 ვინერსი და 25 შეცდომა ქონდა.

null

ინდიან-უელსის მასტერსზე ნიკამ 600 ქულა და 640 000 ამერიკული დოლარი გამოიმუშავა, რეიტინგში 9 პოზიცია მოიგო და ამჟამად მსოფლიოს 27-ე ჩოგანია.
კამერონ ნორიმ ამერიკული მასტერსის მოგებით 1000 ქულა და 1 209 700 დოლარი მოიპოვა. ბრიტანელმა მსოფლიო რეიტინგში ერთბაშად 11 საფეხურით აინაცვლა და კარიერის საუკეთესო მაჩვენებელი დააფიქსირა – N15.

Leave a comment

Your email address will not be published. Required fields are marked *