ნიკოლოზ ბასილაშვილი უინსტონ-სალემის ტურნირს მოეხსნა

ცინცინატის მასტერსზე, პირველ წრეში განცდილი მარცხის შემდეგ ნიკოლოზ ბასილაშვილს გადაწყვეტილი ქონდა, რომ უინსტონს-სალემის 250-იანთა კატეგორიის ტურნირზე ეასპარეზა, რაც სათამაშო პრაქტიკის მისაღებად მშვენიერი შესაძლებლობა გახლდათ მოახლოვებული US OPEN-ის წინ.

ქართველი ჩოგბურთელი მე-7 ნომრად განითესა ტურნირზე, რამაც საშუალება მისცა პირდაპირ მეორე წრიდან ჩართულიყო გათამაშებაში.

null

ნიკას ბადეშიც გაუმართლა – პირველ მეტოქედ არგენტინელი ფედერიკო კორია ერგო (N65), რომელიც ჰარდზე წარმატებული თამაშით დიდად არ გამოირჩევა, ხოლო 1/8 ფინალის სავარაუდო მოწინააღმდეგედ ფედერიკო დელ ბონისს და მარკოს ჟირონს შორის გამარჯვებული უნდა ყოფილიყო.

სამწუხაროდ, ავადმყოფობის გამო ბასილაშვილი ტურნირს მოეხსნა და ძირითად ბადეში იღბლიანი წაგებულის სტატუსით ფრანგი პიერ ჰუგო ერბერი იასპარეზებს.

Leave a comment

Your email address will not be published.