პირველად „მემფისის“ ფრენჩაიზ ისტორიაში

დღეს გამთენიისას, „მემფისმა“ საკთარ მოედანზე „ჰიუსტონს“ უმასპინძლა და მეტოქე 113:106 დაამარცხა. მატჩის დაწყების წინ „გრიზლისმა“ ხმარებიდან ამოიღო 50-ნომრიანი მაისური, რომლითაც გუნდის რიგებში თამაშობდა მძიმე ფორვარდი ზაკ რენდოლფი.

„მემფისმა“ ვეტერან მძიმე ფორვარდს ასევე აჩუქა პლატინის დაფა, რომელზეც მისივე სიტყვებია ამოტვიფრული:“მემფისი – ეს მუშა ხალხის ქალაქია, მეც მუშა ვარ, საკალათბურთო მოედანზე. ჩვენი სტილი ერთმანეთს ემთხვევა“.

NBA-ს ყველა ვარსკვლავთა მატჩის ორგზის მონაწილე რენდოლფი გახდა პირველი კალათბურთელი „გრიზლის“ ფრენჩაიზ ისტორიაში, ვისი ნომერიც გუნდმა ხმარებიდან ამოიღო.

შეგახსენებთ, რომ ზაკმა „მემფისში“ პროფესიონალური კარიერის უდიდესი ნაწილი – 8 სეზონი გაატარა. რენდოლფმა NBA-ს 1116 მატჩში მიიღო მონაწილეობა და საშუალოდ 16.6 ქულას აგროვებდა.

Leave a comment

Your email address will not be published.