UFC 269-ის მთავარი ბრძოლის შემდეგ, სადაც სატიტულო დაპირისპირებაში ჩარლზ ოლივეირამ დასტინ პორიე დაამარცხა, მებრძოლებს შორის დიალოგი გაიმართა. საუბრის დროს დასტინმა ოლივეირას 20.000$-ს შეწირულობას დაპირდა, რათა ბრაზილიელი თავის შეჭირვებულ თანაქალაქელებს დახმარებოდა. მოგვიანებით ოლივეირამ განაცხადა, რომ პორიესგან დაპირებული შემოწირულობა ჯერ არ მიუღია. ამ ფაქტმა ბევრი მითქმა-მოთქმა გამოიწვია, ვინაიდან სწორედ იგივე საქციელში ამხილა პორიემ კონორ მაკგრეგორიც.
დასტინ პორიეს მიერ გავრცელებულ თვითიდან ვიგებთ, რომ პორიეს მიცემული პირობა არ დავიწყებია:
“ყველას, ვისაც გაინტერესებთ ჩემი შეწირულობის შესახებ – რა თქმა უნდა, მე ამას გავაკეთებ. ჩვენ ჩარლზთან და მის გუნდთან კონტაქტზე ვართ და ველოდებით, რომ მათ გადაწყვიტონ თუ რა საქველმოქმედო პროექტში უნდა ჩაიდოს ეს შეწირულობა.”
For anyone asking about the $20k donation I promised, of course I'm going to honor it! We have been in contact with Charles and his team. We are waiting for them to figure out what project they want it donated to.
— The Diamond (@DustinPoirier) January 4, 2022