საქართველოს მორაგბეთა ნაკრები 2 და 9 ივლისს სამხრეთ აფრიკას დაუპირისპირდება. ეს პირველი შემთხვევაა, როცა ბოკეს მსოფლიოს თასის მიღმა ვეთამაშებით.
მასპინძლება უკვე დაადგინეს ის სტადიონები, რომლებზეც მატჩები გაიმართება. 2 ივლისს სამხრეთ აფრიკას პრეტორიაში, ლეგენდარულ ლოფტუს ვერსფილდზე ვეთამაშებით. შეგახსენებთ, რომ სწორედ ამ სტადიონზე გაიმართა 1995 წლის მსოფლიოს თასის ფინალი.
9 ივლისს კი, მატჩი იოჰაესბურგში ემირეითს აირლაინ პარკზე შედგება. ორი თამაში თბილისის დროით 21 საათზე დაიწყება და მაყურებლის გარეშე ჩაივლის.
საქართველოს ნაკრები სამხრეთ აფრიკაში 26 ივნისს, ნიდერლანდებთან მატჩის შემდეგ გაემგზავრება.
