ედინსონ კავანი შესაძლოა რეალში გადავიდეს. ბრიტანული პრესის ცნობით, ესპანელები 34 წლის ფეხბურთელის გადაბირებას ზამთარში შეეცდებიან. კავანის მანჩესტერთან კონტრაქტი 2022 წლის ზაფხულამდე აკავშირებს და მისი გამოსასყიდი თანხა 6 მილიონი ევროა.
კავანი მანჩესტერში 2020 წლის ზაფხულში თავისუფალი აგენტის სტატუსით მივიდა. ამ სეზონში ურუგვაელს არცთუ ისე დიდი სათამაშო დრო აქვს. აგვისტოდან მოყოლებული იუნაიტედის მაისურით მან მხოლოდ 4 მატჩი ჩაატარა და გოლი ჯერ არ გაუტანია.
რაც შეეხება რეალს, სამეფო გუნდი ლა ლიგაში 17 ქულით მეორე ადგილზეა და ლიდერ სოსიედადს 3 ქულით ჩამორჩება. უახლოეს ტურში რეალი ბარსელონას შეხვდება.